28-noyabr kuni Shimoliy Koreyada viloyat xalq majlislari deputatlari saylovi bo‘lib o‘tdi. Shimoliy Koreyada 1960-yildan beri ilk bor o‘nlab saylovchilar saylovlarda hukmron partiya nomzodlariga qarshi ovoz berdi, deb yozmoqda Reuters nashri. Ammo tahlilchilar bu holatni avtoritar davlatda huquqlarning sezilarli o'sishiga asos bo‘la olmaydi, deb baholagan.

Yetakchi Kim Chen In mutlaq hokimiyatni saqlab qolish uchun homiylik va repressiya tizimidan foydalanganlikda ayblanib kelinadi.
Yakshanba kungi viloyat xalq majlislari deputatlari saylovi natijalarida viloyat va shahar kengashlari deputatligiga tanlangan nomzodlarga qarshi mos ravishda 0,09 va 0,13 foiz ovoz berilgan. Ya’ni:

Hukmron partiya uchun – 99,87 foiz;
Unga qarshi — 0,13 foiz.

“Ovoz berishda ishtirok etgan saylovchilarning 99,91 foizi viloyat xalq yig‘inlari deputatligidagi nomzodlar uchun ovoz berdi. Shahar va tuman xalq yig‘inlari deputatligiga nomzodlar uchun 99,87 foizi ovoz berildi”, — deyiladi davlat axborot agentligi xabarida.

• Kim Chen In
• Shimoliy Koreya