Rossiya Xavfsizlik kengashi kotibi Sergey Shoygu bugun, 5-avgust kuni ish safari bilan Eronga bordi. Bu haqda “Gazeta.ru” xabar berdi.

Unga ko‘ra, Sergey Shoygu Eron Milliy xavfsizlik oliy kengashi kotibi Ali Akbar Ahmadian, shuningdek, Eron Qurolli kuchlari Bosh shtabi boshlig‘i Muhammad Bag‘iriy bilan muzokaralar o‘tkazadi.

Bundan tashqari, Shoyguni Eronning yangi prezidenti Mas’ud Pezeshkiyan ham qabul qiladi.

Tomonlar xavfsizlik, savdo-iqtisodiy, shuningdek, global va mintaqaviy xavfsizlik sohasidagi masalalarni muhokama qiladi.

Ma’lumot uchun, 30-iyul kuni Davlat dumasi raisi Vyacheslav Volodin rasmiy tashrif bilan Tehronga tashrif buyurgan edi. U Eron Islom Respublikasining saylangan prezidenti Mas’ud Pezeshkiyanning inauguratsiya marosimida ishtirok etgandi.

• Eron
• Rossiya
• Sergey Shoygu