“Fridays for Future” harakati asoschisi, dunyodagi eng yosh ekofaol, 19 yoshli Greta Tunberg iqlim oʻzgarishlari haqida yozilgan kitobini tez orada taqdim etishini maʼlum qildi.

Shvetsiyalik ekofaol yaqin kunlarda Britaniyada oʻtkaziladigan Glastorberi festivalida nutq soʻzlaydi. U oʻz kitobini aynan mana shu tadbirda taqdim etishni rejalashtirmoqda. Tunberg unga “Iqlim haqida kitob” deb nom bergan. Kitobda yuzlab ekspertlar va ekofaollarning Yerdagi iqlim oʻzgarishlariga oid maqolalari jamlangan.

Maʼlumot uchun, Greta Tunbeng 2003-yilda Stokgolmda dunyoga kelgan. U koʻp marta iqlim oʻzgarishlariga qarshi norozilik namoyishlarida ishtirok etgan, tengdoshlarini ham shunga ilhomlantirgan. Ekspertlar ushbu holatga “Greta effekti” deya nom berganlar. Greta ikki marta Nobel mukofotiga nomzod sifatida koʻrsatilgan.

• Ekologiya
• Kitob
• Shvetsiya
• mashhurlar