Shveysariya mamlakatda Ukraina bo‘yicha tinchlik konferensiyasi o‘tkazilishini e’lon qildi. Bu haqda Shveysariya federal hukumati bayonotida aytiladi, deya xabar bermoqda “Anadulu”.

Qayd etilishicha, sammitdan maqsad Ukrainada keng qamrovli, adolatli va mustahkam tinchlikka erishishdir. Konferensiya iyun oyida Byurgenstok shahrida bo‘lib o‘tadi. Shveysariya va Ukraina yanvar oyi o‘rtalarida global tinchlik sammitini o‘tkazish rejalarini e’lon qildi.
Ikki davlat prezidentlari Viola Amherd va Vladimir Zelenskiy Berndagi uchrashuvda yaqin vaqt ichida ushbu tadbirga tayyorgarlikni boshlash niyatida ekanliklarini aytishgan. Biroq sammitning aniq sanasi ma’lum qilinmagan. Shu bilan birga, Zelenskiy Rossiyani uchrashuvga taklif qilish rejasi yo‘qligini ta’kidlagan. Unda Ukrainaning hududiy yaxlitligini qo‘llab-quvvatlovchi barcha davlatlar taklif etiladi, dedi u.

• Shveysariya
• sammit