Shveytsariyalik velosipedchi Muriel Furrer Tsyurixda bo'lib o‘tadigan o‘smirlar o'rtasidagi jahon chempionatida yiqilganidan keyin kasalxonada vafot etdi. 

Hodisa 26-sentabr, payshanba kuni velosiped poygasi paytida yuz bergan. 18 yoshli sportchi yiqilish natijasida bosh miyasidan jarohat olgan, shundan so‘ng uni vertolyotda kasalxonaga juda og‘ir holatda olib ketishgan. Biroq shifokorlar kasalxonada Furrerni qutqara olishmagan.

“Xalqaro velosport hamjamiyati kelajagi porloq poygachini yo‘qotdi. Furrerning oilasi va do‘stlariga hamdardlik bildiramiz”, deyiladi Xalqaro velosipedchilar ittifoqining rasmiy kanalida.

Avvalroq Furrer jahon chempionatida alohida start bilan yakka tartibdagi poygalarda qatnashgan. U 44-o‘rinni egallagan.

• Jahon chempionati
• Shveysariya