Xitoy Xalq Ozodlik armiyasi va Xitoy xalqi ehtimoliy keng ko‘lamli urushga to‘liq tayyor bo‘lishi kerak. Bu haqda parlamentning yillik yig‘ilishida XXR raisi Si Szinpin ma’lum qildi, deb yozdi “Foreign Affairs” jurnali.

Jurnal sharhlovchilari yig‘ilishlarda mamlakat rahbarining “Xitoy urushga tayyorlanayotganini” ta’kidlagan to‘rtta nutqining mazmuniga e’tibor qaratdi, shu bilan birga armiya generallarini “jang qilishdan va qiyin qarorlar qabul qilishdan qo‘rqmaslikka” chaqirgan.

“Bizga majburlanishi mumkin bo‘lgan urushlar oldida dushmanlarimiz bilan ular tushunadigan tilda gaplashishimiz va tinchlik va hurmat qozonish uchun g‘alabadan foydalanishimiz kerak. Yangi davrda Ozodlik armiyasi jangovar harakatlarni to‘xtatish uchun harbiy kuch ishlatishni talab qilmoqda”, – deya qayd etilgan Si Szinpin bayonotida.

Xabar qilinishicha, Szinpin 2022-yil dekabridan buyon Xitoy bo‘ylab yangi harbiy komissariyatlar va yig‘ilish punktlarini armiya manfaati uchun ochgan, shunda Pekin “zaxira qo‘shinlarini faollashtirishi va urush holatida jangovar qismlarni to‘ldirish tizimini imkon qadar tezroq tashkillashtirishi” mumkin.

Avvalroq Xitoy Mudofaa vazirligi matbuot kotibi Tan Kefey Ozodlik armiyasi tinchlik va xavfsizlikni mustahkamlash uchun Rossiya Qurolli kuchlari bilan hamkorlik qilishga tayyorligini ma’lum qilgan edi. Uning qo‘shimcha qilishicha, Xitoy va Rossiya armiyalari strategik muvofiqlashtirishni kuchaytirib, muntazam ravishda dengiz va havoda qo‘shma mashqlar o‘tkazishni rejalashtirmoqda.