Pokistonlik Minal va Mirxa ismli egizaklarning bosh qismi qo‘shilib ketgan edi. Egizaklarni Britaniyaning malakali jarrohi, Great Ormond Street kasalxonasi professori Nur ul-Ovase Jilani operatsiya qildi. U birinchi marta 3D zamonaviy texnologiyalaridan foydalandi.

Aralash reallik (AR) texnologiyasi 3D tasvirlarni fizik dunyo bilan birlashtiradi. Bu murakkab operatsiyalar paytida aniqlikni yanada oshirish uchun foydalaniladi. Bunda masalan, 3D skanerlar reallikka qo‘shib ko‘rsatiladi. 

Jarrohlik amaliyotidan avval Anqaradagi shifokorlarga operatsiya xonasida ularni nima kutayotgani haqida tushunchaga ega bo‘lishlari uchun egizaklarning uch o‘lchamli modeli yaratilgan. Shu bilan vaziyatni tasavvur qilishga yordam berilgan. Britaniya jamoasiga esa operatsiyaga tayyorgarlik ko‘rish hamda mashq qilish imkonini yaratishgan.

19-iyul sanasida Anqarada o‘tkazilgan operatsiya ikki bosqichli amaliyotni talab qilgani uchun uch oyda yakunlandi. Oxirgi bosqich 14 soat davom etdi. 

Hozirda Minal va Mirxaning ahvoli yaxshi. Ayni damda shifoxonada davolanishmoqda. Kelasi oyda ular Pokistonga, ya’ni uyga qaytishadi. Egizaklarning to‘liq sog‘ayib ketishlari va normal hayot tarzini yashashlari umid qilinmoqda.

• Tibbiyot