Prezident raisligida videoselektor yig‘ilishi boshlandi. Bu haqda prezident matbuot xizmati ma’lum qildi.

Yig‘ilishda davlat rahbari davlat aktivlarini xususiylashtirish bo‘yicha amalga oshirilayotgan ishlar sur’ati qoniqarsiz ekanini ta’kidladi.

Joriy yilda davlat aktivlarini xususiylashtirishdan tushishi prognoz qilinayotgan mablag‘lar ko‘rsatkichi juda kamligi, tarmoq va hududlarda hanuzgacha 2 mingta samarasiz ishlatilayotgan davlat mulki ob’yektlari mavjudligi keskin tanqid qilindi.

Qayd etilishicha, viloyat hokimliklari balansida ham yillar davomida 170 ga yaqin bo‘sh ob’yektlar sotilmasdan turibdi.

“Shuning uchun Sirdaryo viloyati hokimi Gʻ.Mirzayev va Xorazm viloyati hokimi F.Ermanovga xususiylashtirish ishlarini sust tashkil etgani uchun hayfsan e’lon qilindi.

Shuningdek, Davlat aktivlari agentligining Sirdaryo, Xorazm va Buxoro viloyatlari boshqarma boshliqlarini ishdan olish, transformasiya va xususiylashtirish ishlarini o‘z holiga tashlab qo‘ygani uchun “O‘zagroservis” jamiyati raisi R.Xayitovga hayfsan e’lon qilishga ko‘rsatma berildi”, – deyiladi Prezident Matbuot xizmati xabarida.

• Prezident
• Videoselektor