Kecha, 15-sentabr kuni Belarus rahbari Aleksandr Lukashenko SHHT sammiti doirasidagi o‘zaro muloqotda O‘zbekiston Prezidenti Shavkat Mirziyoyev sha’niga iliq so‘zlar bildirdi va uning ingichka muz ustida yurib ketayotganini ta’kidladi.

“Siz bu shaharni yoshartirdingiz. Ha, bu shaharning uzoq o‘tmishi bor, bu yerda birinchi marta ancha avval bo‘lgandim, bu o‘tmish odamni bosib qo‘yadi, siz esa bu shaharni yoshartirdingiz”, – dedi Lukashenko.

Shuningdek u Shavkat Mirziyoyevning boshqaruvchilikda ulkan tajriba orttirganini ta’kidladi:

“Siz boshqa viloyatda tug‘ilgan bo‘lsangiz ham, bu shahar siz uchun qadrdon ekanini bilaman. Bu yerda sizning eng muhim yillaringiz o‘tgan, yuqori darajadagi boshqaruv bo‘yicha jiddiy tajribaga ega bo‘lgansiz. Bularning barchasi qoyilmaqom tarzda bajarilgan. Bosib o‘tgan yo‘lingiz juda ajoyib, siyosatchi sifatida so‘nggi yillarda yaxshigina o‘sdingiz.

Kelayotganda sizning yigitlaringizga ham aytdim, Miromonovich jiddiy o‘sish qayd etdi. Ha, oldingi rahbaringiz bilan ham yaxshi munosabatda edim, ammo to‘g‘risini aytaman, siz qilishingiz kerak bo‘lgan ishni qildingiz. Mamlakat sirpanib ketmasligi uchun o‘zingiz ingichka muz ustidan yurib ketyapsiz”.

• Belarus
• Lukashenko
• O‘zbekiston
• Shavkat Mirziyoyev