Vazirlar Mahkamasining “Toshkent shahrida zamonaviy gul bog‘ini tashkil etish ishlarini jadallashtirish choralari to‘g‘risida”gi qaroriga muvofiq park o‘rnida gul bog‘i tashkil etiladi.

Prezident qaroriga muvofiq madaniyat va san’at sohasida davlat-xususiy sheriklik shakllari hamda tashabbuskorlarni tanlov asosida aniqlash joriy etilgan.

Vazirlar Mahkamasi qaroriga muvofiq Toshkent shahri har bir tumanida attraksionlardan holi bo‘lgan kichik istirohat bog‘larini barpo etish belgilangan.

Shu boisdan Toshkent shahar, Yunusobod tumanidagi 6,0 gektar yer maydonida joylashgan sobiq Astronomiya parki o‘rnida tashabbuskor tadbirkorlarni jalb qilgan holda zamonaviy gul bog‘ini tashkil etish bo‘yicha loyiha taklifi ishlab chiqilgan.

Toshkent shahar hokimligi, Madaniyat vazirligi, Davlat-xususiy sheriklikni rivojlantirish agentligining Yunusobod tumani, Astronomiya ko‘chasidagi 6,0 gektar yer maydonida joylashgan sobiq Astronomiya va aeronavtika bog‘i o‘rnida zamonaviy gul bog‘i barpo etish loyihasini amalga oshirish maqsadida tadbirkorlik subyektlarini ochiq tanlov o‘tkazish asosida aniqlab, jalb qilish to‘g‘risidagi taklifi ma’qullanadi.

Toshkent shahar hokimligi:

-gul bog‘i hududini hatlovdan o‘tkazib, xususiy mulklar mavjud bo‘lgan taqdirda mavjud turar va noturar joy obektlarini mulkdorlar bilan ochiq muhokamani tashkil etib, yer maydonlarini o‘rnatilgan tartibda kompensatsiya to‘lovlarini qoplab bergan holda belgilangan tartibda hokimlik zaxirasiga olib, davlat ro‘yxatidan o‘tkazadi.

-Qurilish vazirligi bilan Yunusobod tumani, Astronomiya ko‘chasida zamonaviy gul bog‘i tashkil etilishi rejalashtirilgan hudud chegarasini aniqlab, tasdiqlaydi;

-Kadastr agentligi bilan buyurtmaga asosan yer uchastkasini ajratish materiallari tayyorlab, zamonaviy gul bog‘ini barpo etish uchun ajratadi.

• Toshkent
• Yunusobod tumani