31°
Kechasi 18°
Ijtimoiy tarmoqlarda Oqqo‘rg‘on tumani IIB xodimiga tegishli deb izohlangan audio yozuv egasi o‘zbek xalqidan yig‘lab kechirim so‘radi.
IIBB matbuot xizmati rahbari Bobur To‘laganovning ma’lum qilishicha, mazkur holat IIBB tomonidan o‘rganilgan, ma’lum bo‘lishicha audio yozuv tegishli ekani aytilayotgan fuqaro, 1992-yilda tug‘ilgan A.Sulaymonov, 2022-yilda Oqqo‘rg‘on tumani IIB Profilaktika inspektori lavozimiga qabul qilingan.
Yosh xodim ko‘p o‘tmay xizmat faoliyati davomida o‘zini salbiy tomondan ko‘rsatganligi va noo‘rin xatti-harakatlari sababli ichki ishlar organlaridan bo‘shatilgan.
Bugun, 2-oktabr kuni fuqaro A.Sulaymonovga nisbatan Oqqo‘rg‘on tuman prokuraturasi tomonidan O‘zbekiston Respublikasi Jinoyat kodeksining 277-moddasi 3-qismi “g” bandi bilan qo‘zg‘atilib, gumon qilinuvchi sifatida JPKning 221-moddasida belgilangan tartibda ushlandi.
“Shu o‘rinda hurmatli fuqarolarimizga, holat to‘liq nazoratga olinganligini va qonuniy tartibda chora ko‘rilishini ma’lum qilamiz”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
