Markaziy bank joriy yil 8-fevral kuni “So‘m ramzi”ni yaratish bo‘yicha tanlov eʼlon qilgan edi.

Maʼlum qilinishicha, tanlov uchun arizalar qabul qilish 2022-yil 31-martga qadar belgilangan bo‘lib, bu muddatdan keyin kelib tushgan ariza va ishlar tanlovda ishtirok etmaydi.

Markaziy bank xabariga ko‘ra, tanlovga 31-martgacha 16 mingga yaqin arizalar kelib tushgan. Tanlov ishlarini baholash uchun Markaziy bank vakillari, Kamoliddin Behzod nomidagi Milliy rassomlik va dizaynerlik instituti va Intellektual mulk agentligining mutaxassislarini o‘z ichiga olgan tanlov hayʼati tuziladi.

G‘oliblar 2 bosqichda aniqlanadi:

1-bosqich: saralash bosqichi – Saralash bosqichida Tanlov tashkiliy qo‘mitasi ishlarni texnik talablarga mosligini tekshirib, yakuniy bosqichga o‘tkazish uchun munosib ishlar bo‘yicha tanlov hayʼati aʼzolariga taklif kiritadi.

2-bosqich: yakuniy bosqich – tanlov ishlari 2022-yil 1-apreldan 30-aprelgacha Tanlov hayʼati tomonidan baholanadi hamda eng yaxshi ish aniqlanadi va Intellektual mulk agentligi xizmatidan foydalangan holda “So‘m ramzi” loyihasi uchun kontrafaksiyaga tekshiriladi.

Yakuniy qaror may oyida eʼlon qilinadi.

• Markaziy bank
• So‘m