O‘zbekistonda yoz oylarida boshlanadigan mavsumiy kasalliklardan biri o‘tkir diareya hisoblanadi. Yurtimizga yoz fasli kelishi bilan bilan diareya kasalligi avj ola boshlagan. Bu haqda Sog‘liqni saqlash vazirligi matbuot xizmati xabar berdi.

Bundan tashqari, vazirlik ushbu kasallik, ayniqsa, yosh bolalar o‘rtasida avj olishini ta’kidlab aholini ogohlikka chaqirgan.

Shuningdek, o‘tkir diareya – xalq orasida ichburug‘, ich og‘rig‘i, ich ketishi nomlari bilan ataladigan xastalik bo‘lib, ichak yo‘llarining funksional buzilishi hisoblanadi, — deydi Toshkent shahar 4-son yuqumli kasalliklar shifoxonasi bosh shifokori Shahlo Isamuhammedova. — U ichaklarni bo‘shatish va ichning suyuq holatda kelishi bilan kechadi. Qayd etilishicha, ichning kuniga 3-4 martadan ko‘p kelishi o‘tkir diareya deyiladi.

Ushbu kasallikning 2 ta turi bor. Bular infeksion va noinfeksion turlari hisoblanadi. Xastalik kelib chiqishiga ko‘pincha gigiyena qoidalariga rioya qilmaslik sabab bo‘ladi. Qolaversa, ichburug‘ yozning issiq kunlarida ochiq havoda qolgan taom va yeguliklar, jumladan, sut va sut mahsulotlarini iste’mol qilish tufayli yuzaga kelishi mumkin.

• Ogohlantirish
• SSV
• diareya