SSV matbuot xizmatiga ko‘ra, mamlakatda ayni vaqtda yosh bolalar orasida o‘tkir respirator kasalliklarning davriy ko‘tarilishi kuzatilmoqda. Ushbu xastaliklarning eng yuqori ko‘rsatkichi esa Toshkent shahri hissasiga to‘g‘ri keladi. Buning natijasida esa poytaxtdagi bolalar klinik shifoxonalariga yuklamalar sezilarli ortgan. 

Shu sababli Sog‘liqni saqlash vaziri B. Musayev boshchiligida ishchi guruh tuzilib, 13-noyabr tunda poytaxt shifoxonalaridagi vaziyat o‘rganilgan. 

Xabarga ko‘ra, 14 noyabr tonggi soat 04:30da Toshkent shahrida bolalar o‘rtasida o‘tkir respirator kasalliklar tarqalishi bilan bog‘liq muammolarni zudlik bilan bartaraf etish maqsadida Sog‘liqni saqlash vaziri boshchiligida shoshilinch yig‘ilish o‘tkazilgan.

“Natijada o‘sha kunning o‘zida o‘rganish xulosalari tahlil qilinib, poytaxtdagi shifo maskanlarida 600 dan ziyod qo‘shimcha o‘rin-joylar tashkil etildi hamda ona va bolalarga davolanishlari uchun yetarli sharoitlar yaratildi”, – deyiladi Sog‘liqni saqlash vazirligi Matbuot xizmati xabarida.

• SSV
• Vazirlik