Ijtimoiy tarmoqlarda joriy yil 11-noyabrdan rasman sog‘liqni saqlash vaziri lavozimida ish boshlagan Behzod Musayevning ilk buyrug‘i surati tarqalmoqda.

Musayev o‘zi imzolagan 422-K-sonli buyrug‘i bilan oldingi vazir – Abduxakim Xadjibayev qo‘llagan barcha intizomiy jazo choralarini bekor qildirdi.

Buyruqda vazir Mehnat kodeksining 183-moddasiga muvofiq, “shu kungacha Sog‘liqni saqlash vazirining buyrug‘i bilan qo‘llanilgan barcha intizomiy jazo choralari muddatidan ilgari olib tashlash” haqida aytiladi va ijrosi vazirning birinchi o‘rinbosari A.Inoyatovga yuklatiladi. 

Ma’lumot uchun, Mehnat kobeksining 183-moddasi 2-qismiga ko‘ra, intizomiy jazoni qo‘llagan ish beruvchi o‘z tashabbusi bilan, xodimning iltimosiga binoan, mehnat jamoasi yoki xodimning bevosita rahbari iltimosnomasiga ko‘ra jazoni bir yil o‘tmasdan oldin ham olib tashlashga haqli hisoblanadi.

• SSV
• Vazirlik