Bugun, 6-yanvar kuni Oliy sudda mustabid sovet tuzumi davrida qatag‘on qurboni bo‘lgan va hozirgi kunga qadar oqlanmagan bir guruh shaxslarga oid jinoyat ishlarini ko‘rib chiqish bo‘yicha ochiq sud majlisi bo‘lib o‘tadi.

Mazkur sud majlisida Stalin qatag‘oniga uchragan 120dan ortiq o‘zbekistonliklarning oqlanishi kutilmoqda.

Tarixchi olim Bahrom Irzayevning ma’lum qilishicha, ularning orasida taniqli ulamo mufti Sadriddinxon Sharifxo‘jayev, Mirzo Ibrohim miroxo‘r Ismoilov rahbarligida 40 dan ortiq Buxoro amirining amakisi, kuyovi, taniqli dodholari, sobiq harbiylar, qozi va ulamolari bor.

Shuningdek, Muhammad Siddiq Mansurbekov (Sag‘ir boyvachcha) kabi farg‘onalik, Tog‘ay amin Safarov, Do‘styor jivachi Mo‘minov, Rahmatulla Bekbo‘tayev kabi qashqadaryolik faollar jami, 120 dan ortiq millat, din va Vatan erki yo‘lida sovetlarga qarshi kurash boshlab, sho‘ro qatag‘oniga uchragan vatandoshlar ham oqlanmoqda.

Eslatib o‘tamiz, 2021-yilning 25-avgustida Oliy sudi tomonidan Nosirxonto‘ra Kamolxonto‘ra o‘g‘li va Ibrohimbek Laqaylardan boshlab 115 nafar vatandosh oqlangan edi.

• Oliy sud
• Qatag‘on