“UzAuto Motors” AJ Matbuot xizmati xabariga ko‘ra, kompaniya texnik kamchilik bilan iste’molchiga yetkazib berilgan Nexia, Cobalt va Lacetti avtomobillariga nisbatan “chaqirib olish” dasturini e’lon qildi.

Kompaniya bergan xabarga ko‘ra, joriy yil 5-17-dekabrda ishlab chiqarilgan Nexia, Cobalt va Lacetti avtomobillari “chaqirib olinadi”.

“Chaqirib olish” dasturi avtomobillarning orqa oyna  isitish tizimini tekshirish zarurati bilan bog‘liq.

Barcha ishlar  " UzAuto Motors” AJ xodimlari tomonidan dilerlik markazlarining servis xizmatida  ishlab chiqaruvchining mablag‘lari hisobidan amalga oshiriladi”, – deyiladi kompaniya xabarida.

Shuningdek, avtomobillari chaqirib olish dasturiga to‘g‘ri kelgan barcha avtomobil egalari dilerlik markazlari yoki kompaniya tomonidan ogohlantirilishi aytilmoqda.

• UzAutoMotors