Davlat statistika qo‘mitasining dastlabki ma’lumotlariga ko‘ra, 2021-yilning 1-dekabr holatiga respublika bo‘yicha 35 660 ta ajrim holatlari qayd etilgan.

Ajrim holatlari o‘tgan yilning mos davri bilan solishtirilganda 10 456 taga oshgan (o‘tgan yilning mos davrida bir kunda 75ta oila ajrab ketgan).

2021-yilning noyabr oyida respublika bo‘yicha jami 3 428 ta ajrim holatlari qayd etilgan (bir kunda 114,2 ta oila).

Qo‘mita ma’lumotlariga ko‘ra, o‘tgan 2020 yil davomida 28,2 mingta ajrim qayd etilgan (bir kunda 77,2 ta holat).  

Ajrimlar soni yillar kesimida:

2017-yil - 31,9 ming (bir kunda 87,4 ta holat)

2018-yil - 32,3 ming (bir kunda 88,5 ta holat)

2019-yil - 31,4 ming  (bir kunda 86 ta holat)

2020-yil - 28,2 ming (bir kunda 77,3 ta holat)

Ma’lumot uchun, 2021-yilning yanvar-noyabr oylarida respublikada jami 276,9 mingta nikoh (bir kunda 829ta nikoh degani) holatlari qayd etilgan.

Bu ko‘rsatkich o‘tgan yilning mos davri bilan solishtirilganda 4,5 foizga oshgan.

• Ajrim
• Oila
• statistika