Tanishi orqali subsidiya asosida uy olib berishni vaʼda qilgan firibgar qoʻlga olindi. Bu haqda Prokuratura departamenti xabar berdi.

Maʼlum qilinishicha, Bosh prokuratura huzuridagi Departamentning Chirchiq shahar boʻlimi tomonidan IIB xodimlari bilan hamkorlikda oʻtkazilgan tezkor tadbirda fuqaro X.T. fuqaro D.U.ga goʻyoki yuqori lavozimda ishlovchi tanishi orqali subsidiya asosida koʻp qavatli uylardan xonadon olib berishi evaziga 1 300 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari olib borilmoqda.

• Firibgarlik
• Prokuratura
• Uy-joy
• subsidiya