Surxondaryoda odil sudlovni amalga oshirishda qonuniylikni buzgan sud raisi ishdan olingan. Bu haqida Sudyalar oliy kengashi Matbuot xizmati xabar berdi.

Ma’lum bo‘lishicha, jinoyat ishlari bo‘yicha Angor tuman sudining raisi Kamoliddin Xidirov odil sudlovni amalga oshirishda qonuniylikni buzgani, sud ishini tashkil etishda beparvoligi va intizomsizligi oqibatida yo‘l qo‘ygan kamchiliklari uchun lavozimidan ozod etilib, vakolatlari muddatidan ilgari tugatilgan.

Shuningdek, Surxondaryo viloyati fuqarolik ishlari bo‘yicha Qumqo‘rg‘on tumanlararo sudining sudyasi Muattar Allayarova o‘z arizasiga asosan lavozimidan ozod etilib, vakolati muddatidan ilgari tugatilgan.

• Sud