Ma’lum bo‘lishicha, Tramp banklar va sug‘urtalovchilardan eng yaxshi shartlarni olish uchun o‘z aktivlari qiymatini milliardlab dollarga oshirib yuborgan.

Nyu-York sudyasi Artur Engoron AQShning sobiq prezidenti Donald Tramp bir necha bor firibgarlik qilgan degan qarorga keldi. Bu shtat prokurori Letitia Jeymsning fuqarolik da’vosi bo‘yicha yakuniy sud qarori emas, ishni ko‘rib chiqish 2-oktyabrda yana davom etadi.

Hozircha sud Tramp va sobiq prezidentning o‘g‘illari Erik va Donald banklar, sug‘urtalovchilar va boshqalarni aldab, ko‘chmas mulk bitimlarini tuzishda va moliyalashtirishni ta’minlashda foydalaniladigan hujjatlarni rasmiylashtirishda aktivlarni sezilarli darajada oshirib, sof kapitalni oshirib yuborishgan degan xulosaga kelishgan. Ta’kidlanishicha, Tramp o‘z aktivlarini (jumladan, Nyu-Yorkdagi Tramp minorasi va Floridadagi Mar-A-Lago qarorgohi) 2,2 milliard dollarga ortiqcha baholagan.

• AQSh
• Firibgarlik
• Nyu-York
• Sud
• Tramp