Isroil Livanga havo hujumi uyushtirdi. Qurbonlar bor.

Isroil va “Hizbulloh” bir-birini o‘qqa tutishni to‘xtatish bo‘yicha kelishuvga erishgan bo‘lsa-da kecha, 2-dekabr kuni Isroil Livanga katta havo hujumlarini amalga oshirgan. Bu haqda “Associeted Press” nashri xabar berdi.

Qayd etilishicha, bu hujumlar “Hizbulloh” kelishuvni buzib, bir necha marta raketa otganiga javoban amalga oshirilgan. Isroil tomoni ushbu raketalar Livan, Suriya va Isroil chegaralarining kesishgan hududida joylashgan “Shebaa fermerlari” deb nomlanuvchi mintaqaga otilganini bildirdi.

Livan Sog‘liqni saqlash vazirligi Haris qishlog‘iga qilingan havo hujumi oqibatida besh kishining o‘lganini, yana ikki kishi yaralanganini, Taluusa qishlog‘iga uyushtirilgan havo hujumida esa to‘rt kishi qurbon bo‘lgani va ikki kishi yaralanganini bildirgan.

• Havo hujumi
• Isroil
• Livan