“Goldman Sachs” hisobotiga ko‘ra, sun’iy intellekt texnologiyasining rivojlanishi sabab dunyo bo‘yicha 300 million kishi ishsiz qolishi mumkin.

Bu haqda moliyaviy institut o‘tkazgan tadqiqot hisobotida ma’lum qilingan.

Qayd etilishicha, sun’iy intellekt tufayli dunyo mehnat bozorida jiddiy buzilish kuzatilishi mumkin. AQSh va Yevropadagi tadqiqotlar shuni ko‘rsatadiki, ish o‘rinlarining uchdan ikki qismi ma’lum darajada avtomatlashtirilishi mumkin.

Yevropa bo‘yicha 24 foiz, AQShda esa 25 foiz kasblar avtomatlashtirilishi mumkinligi taxmin qilinyapti.

Tahlilga ko‘ra, sun’iy intellekt texnologiyasi rivojlangan bozorlarga qaraganda rivojlanayotganlariga kamroq ta’sir o‘tkazadi.

Ammo global miqyosda kasblarning 18 foizi sun’iy intellekt tomonidan avtomatlashtirilishi mumkin. Gonkong, Isroil, Yaponiya, Shvetsiya va AQSh mehnat bozorlari sun’iy intellekt sabab eng ko‘p o‘zgarishga uchrashi kutilyapti.

• Tahlil
• sun’iy intellekt
• texnologiya