Janubiy Koreya davlat razvedka boshqarmasi tomonidan sun’iy intellektdan foydalangan holda Shimoliy Koreya yetakchisi Kim Chen Inning jismoniy imkoniyatlari baholandi. Bu haqda Yonhap agentligi xabar bermoqda.

Agentlik ma’lumotlariga ko‘ra, fotosuratlar va videomateriallar tahlili asosida Shimoliy Koreya yetakchisining vazni aniqlangan.

“16-may kuni omma oldida nutq so‘zlagan Kim Chen In horg‘in holda ko‘ringan, ko‘zlari ostida aniq qora doiralar bor edi, sun’iy intellekt yordamida vazn tahlili uning og‘irligi 140 dan 150 kilogrammgacha ekanligini ko‘rsatdi”, – deydi Janubiy Koreya “Fuqarolik kuchlari” hukmron partiyasi parlamenti Yo Sang Bum.

Uning so‘zlariga ko‘ra, Seulda Kim Chen In nafaqat ortiqcha vazndan, balki uyqusizlikdan ham aziyat chekayotganidan gumon qilinmoqda. Shuningdek, u razvedka KXDR yetakchisining teri kasalligi va allergiyasi borligini istisno qilmasligini ham qo‘shimcha qilgan.

“O‘tgan yilning oxiridan beri Kimning qo‘llaridagi tirnalgan va ko‘kargan joylar allergiya va stressdan kelib chiqqan dermatitning kombinatsiyasi sifatida taxmin qilinmoqda”, – dedi Yo Sang Bum.

Avvalroq KXDR yetakchisining singlisi, Koreya Mehnat partiyasi Markaziy qo‘mita bo‘lim boshlig‘i o‘rinbosari Kim Yo Chen mamlakatdagi “isitma” epidemiyasi vaqtida akasi og‘ir kasal bo‘lib qolganini ma’lum qilgan edi.

• Janubiy Koreya
• Kim Chen In
• Shimoliy Koreya