Yevropa Ittifoqi Kengashi 21-may kuni sun’iy intellekt qoidalarini uyg‘unlashtirishga qaratilgan dunyodagi birinchi qonunni tasdiqladi.

Ta’kidlanishicha, yangi qonun xususiy va davlat ishtirokchilari tomonidan Yevropa Ittifoqining yagona bozorida xavfsiz va ishonchli AI tizimlarini ishlab chiqish va o‘zlashtirishni rivojlantirishga qaratilgan. Shu bilan birga, u Yevropa Ittifoqi fuqarolarining asosiy huquqlarini hurmat qilishni ta’minlash va Yevropada sun’iy intellektga investitsiyalar va innovatsiyalarni rag‘batlantirishga qaratilgan.

Qayd etilishicha, AI qonuni faqat Yevropa Ittifoqi qonunchiligidagi sohalarga taalluqlidir.

Bundan tashqari, qonun odamlarni irq, din yoki jinsiy oriyentatsiya kabi aniq toifalarga ko‘ra tasniflash uchun biometrik ma’lumotlardan foydalanadigan profil va tizimlarga sun’iy intellektdan foydalanishni taqiqlaydi.

• Qonun
• Yevropa Ittifoqi
• sun’iy intellekt