Ma’lum bo‘lishicha, Suriyaning Al-Hasakadagi Gvayran qamoqxonasiga IShID jangarilari hujum uyushtirgan. Suriya demokratik kuchlari ularning ayrimlarini hibsga olganligi aytilmoqda.
Aniqlanishicha, Suriya qamoqxonasiga uyushtirilgan hujumda kamida 120 kishi halok bo‘lgan.
Shuningdek, Buyuk Britaniyada joylashgan Suriya inson huquqlari observatoriyasi payshanba, ya’ni 20-yanvar kuni boshlangan ushbu terroristik hujum natijasida 77 ta oddiy aholi, 39 ta kurd jangchilari, jumladan, ichki xavfsizlik xodimlari, qamoqxona qo‘riqchilari va terrorizmga qarshi kurash kuchlari o‘ldirilganini qayd etgan.
Bundan tashqari, 23-yanvar kuni AQSh tomonidan Suriyaga yuborilgan yordam kuchlarining 17 nafar askari qamalda qolishi natijasida halok bo‘lgan.
Suriya demokratik kuchlari qamoqxonadan jami 104 nafar mahbuslarning qochganini ta’kidlab, lekin ularning umumiy soni halihanuz noma’lumligini aytgan.
Xabarda keltirilishicha, hujumchilar avvaliga qamoqxona darvozasi oldida maxsus bomba portlatgan, bu esa yuzlab mahbuslarning qochib ketishiga yordam bergan.
Muxtor kurd ma’muriyati vakili Shayxmus Ahmadning aytishicha, qamoqxona yonida yashovchi minglab odamlar o‘z uylarini tark etib, boshqa uzoqroq joyga ko‘chib ketishgan. Chunki, ular ham terroristik harakatlarning jiddiy tusga olib kelishidan xavotir olmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!