Donor davlatlar Bryusseldagi konferensiyada fuqarolar urushi va tabiiy ofatlardan zarar ko‘rgan Suriya aholisiga yordam berish uchun yana 7,5 milliard yevro ajratishga kelishib oldi. Germaniya esa 1 milliard yevrodan ko‘proq mablag‘ ajratadi.

Ushbu mablag‘lar 2023-yil fevral oyida mintaqada sodir bo‘lgan va 59 ming kishini, shu jumladan, Suriyada 6 ming kishini o‘ldirgan halokatli zilzila oqibatlarini bartaraf etishga sarflanadi.

Bundan tashqari, Suriyada fuqarolik urushlari 2011-yilda boshlangan. Ushbu jangovar harakatlar natijasida 500 mingga yaqin odam halok bo‘ldi. Shuningdek, hozirgacha mamlakatning 23 million aholisining taxminan yarmi o‘z uylarini tark etishga majbur bo‘lgan. Hozir qo‘shni Turkiya, Livan va Iordaniyada 5,7 millionga yaqin suriyalik qochqinlar bor.

• BMT
• Suriya