Kecha, 25-yanvar kuni Surxondaryo viloyatining 13 ta tumanida, xususan Angor, Bandixon, Boysun, Denov, Jarqo‘rg‘on, Qiziriq, Muzrabot, Oltinsoy, Sariosiyo, Termiz, Uzun, Sherobod va Sho‘rchi tumanlari Xalq deputatlari Kengashlarining navbatdan tashqari sessiyalari bo‘lib o‘tdi. Bu haqda viloyat hokimligi matbuot xizmati ma’lum qildi.

Tuman Kengashlari sessiyasi ishida Prezident Adminstrasiyasi mas’ullari, Surxondaryo viloyati hokimi Ulug‘bek Qosimov, deputatlar, viloyat va tumanlar hokimliklari vakillari, korxona va tashkilotlari rahbarlari ishtirok etdi.

O‘tkazilgan navbatdan tashqari sessiyalarda tashkiliy masala ko‘rilib:

Angor tumaniga Mardonov Qosim Esonovich;
Bandixon tumaniga Allamuradov Abdumalik Abduqodirovich;
Boysun tumaniga Shukurov Boxadir Shoturayevich;
Denov tumaniga Abrorov Ilxom Ibraximovich;
Jarqo‘rg‘on tumaniga Avazov El’murod Ro‘zimurodovich;
Qiziriq tumaniga Rajabov Sherzod Abdimuratovich;
Muzrabot tumaniga Ismailov Abdurashid Hudayarovich;
Oltinsoy tumaniga Maxmatrayemov Baxrom Omonovich;
Sariosiyo tumaniga Donayev Abduqodir Haydarovich;
Termiz tumaniga Nazarov Shuxrat Xudayberdiyevich;
Uzun tumaniga Bozorov Xabibulla Sherdanakulovich;
Sherobod tumaniga Xalilov Zaynobiddin Jalolitdinovich;
Sho‘rchi tumaniga Zokirov Ulug‘bek Xurramovich hokim etib tasdiqlandi.

Sessiya ishlarida so‘zga chiqqan faollar mahalliy hokimlar Davlat rahbarining talabi bilan aytganda bugungi kunning zamonaviy fikrlovchi, odamlarni rozi qilish harakati bilan yashovchi, hududda ijtimoiy-iqtisodiy sohalarda olib borilayotgan islohotlarning amalga oshirilishini ta’minlaydigan kadrlar bo‘lishi kerakligi ta’kidlandi.

Yangi tasdiqlangan hokimlar atrofida birlashib, har bir tuman o‘zining rivojlantirish, aholi turmush darajasini oshirish bo‘yicha belgilab olingan dasturlari ijrosini ta’minlash yo‘lida bir yoqadan bosh chiqarib harakat qilishi lozimligi aytib o‘tilgan.