“O‘zenergoinspeksiya” Surxondaryo viloyat hududiy boshqarmasi va huquqni muhofaza qiluvchi organlar hamkorligida o‘tkazilgan nazorat tadbirida Jarqo‘rg‘on tumanida joylashgan “Y.ADJD.” xususiy korxonasiga qarashli avtomobillarga gaz to‘ldirish kompressor shoxobchasida kompleks o‘lchov quvuriga o‘rnatilgan toraytirish moslamasi davlat standart talablariga mos kelmasligi aniqlangan.

Holat yuzasidan Elektr energiyasi, neft mahsulotlari va gazdan foydalanishni nazorat qilish inspeksiyasi matbuot xizmati xabar bermoqda.

Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 2 mlrd 197 mln so‘mlik (845,1 mln metr kub tabiiy gaz) zarar yetkazilganligi ma’lum bo‘lgan.

Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.

• AYQSh
• Gaz
• Surxondaryo