2022-yil 4-iyun kuni Qashqadaryo viloyat Ko‘kdala tuman hududida joylashgan “Umakay” muntazam YPX maskanida isteʼmolga yaroqsiz ekani aytilayotgan go‘sht to‘xtatib qolindi.

Viloyati IIB xabariga ko‘ra, shu kuni soat 00:30 larda Surxondaryo-Toshkent yo‘nalishida harakatlanib kelgan, Surxondaryo viloyatida yashovchi fuqaro B.T boshqaruvida bo‘lgan “Damas” rusumli avtomashinasi tekshirilib, avtomashina saloni ko‘zdan kechirilganda, avtomashina salonida tegishli veterinariya maʼlumotnomalarisiz, kelib chiqishi nomaʼlum bo‘lgan, taxminan 700 kg og‘irlikdagi hayvon go‘shtlari borligi aniqlangan.

Go‘sht mahsulotlari, sifatini aniqlash maqsadida, Qashqadaryo viloyat oziq-ovqat mahsulotlari xavfsizligi mikrobiologiya va veterinariya-sanitariya ekspertiza laboratoriyasiga topshirildi.

• Go‘sht
• Qashqadaryo
• YPX