Tailand sog‘liqni saqlash vazirligi Myanma bilan chegaradosh Tak provinsiyasidagi bo‘linmalarini favqulodda holatga o‘tkazdi. Buning sababi Myanmaning Shve Kokko shahrida tarqalgan vabo hisoblanadi. Myanmada allaqachon ikki kishi vafot etgan, 200 dan ortiq odam kasallangan.

Tibbiyot xodimlari toza suv manbalarini, suv ta’minoti tizimlarini va oziq-ovqat mahsulotlarini tekshirmoqdalar. Chegara hududlari aholisi ehtiyot choralarini ko‘rishga va faqat qadoqlangan suv ichishga chaqirilmoqda. Aholi punktlarida, qochqinlar lagerlarida va chegara o‘tish joylarida sanitariya tekshiruvlari o‘tkaziladi.

Shifokorlar uchun maxsus ish rejimi yangi yil bayramlarida ham amal qiladi. Bu vaqtda chegara bo‘ylab harakatlanish intensivligining oshishi kutilmoqda. 

• Myanma
• Tailand
• vabo