Taʼlim muassasalarida qishki taʼtilni tashkil etish tartibi belgilandi. Bu haqda “Oliy, oʻrta maxsus va professional taʼlim muassasalari talaba va oʻquvchilarining qishki taʼtilini tashkil etish toʻgʻrisida”gi qaror tasdiqlandi.

Hujjatga muvofiq tarzda, talaba va oʻquvchilar uchun dekabr oyining soʻnggi 10 kunligi hamda yanvar oyining soʻnggi 10 kunligi oraligʻida har yilgi 2 haftalik qishki taʼtil belgilanadi.

Masʼul korxonalarga qishki taʼtil boshlanishidan 10 kun avval respublika ichidagi tezyurar va yoʻlovchi poyezdlar va mahalliy aviareyslarga chiptalar narxlarini 50% lik chegirma asosida sotish tavsiya etiladi. Yuqori tezlikda harakatlanuvchi poyezdlar va barcha yoʻlovchi poyezdlarning SV, VIP vagonlari bundan mustasno.

2022-yildan boshlab qishki taʼtil davrida yoʻnalishli shaharlararo avtobus qatnovi orqali harakatlanishda talaba va oʻquvchilar uchun masʼul vazirlik tomonidan imtiyozlar toʻplami (chegirmali chiptalar, aksiyalar) taqdim etish mexanizmi joriy etiladi.

Shuningdek, mazkur tartib nodavlat taʼlim muassasalari uchun tavsiyaviy hisoblanadi.

• Qaror
• Ta'lim