Oliy Majlis Qonunchilik palatasidagi “Milliy tiklanish” demokratik partiyasi fraksiyasi yigʻilishida deputatlar tomonidan “Oʻzbekiston Respublikasi Davlat byudjetining va davlat maqsadli jamgʻarmalari byudjetlarining 2021-yil 9-oyidagi ijrosi toʻgʻrisida”gi hisobotni koʻrib chiqildi.

Qayd etilishicha, joriy yilning oʻtgan toʻqqiz oy yakunlariga koʻra, mamlakat iqtisodiyoti 6,9 foizga oʻsgan holda barqaror oʻsish surʼatlarini koʻrsatmoqda.

Hisobot davrida ijtimoiy xarajatlarni moliyalashtirish uchun Davlat byudjetidan 64 038,0 mlrd. soʻm yoki umumiy xarajatlarning 49,2 foizi miqdorida mablagʻ sarflangan. Bu YAIMga nisbatan 12,3 foizni tashkil etgan. Ushbu xarajatlarning asosiy qismini tashkil etgan taʼlim tizimi muassasalarini saqlash va ularni rivojlantirish xarajatlariga Davlat byudjetidan 27 425,9 mlrd. soʻm mablagʻ yoʻnaltirilgan.

Keltirilishicha, taʼlim tizimida faoliyat olib borayotgan xodimlarning ish haqlari va unga tenglashtirilgan toʻlovlar bilan bogʻliq xarajatlar uchun davlat byudjetidan qariyb 18,0 trln. soʻm yoki taʼlim yoʻnalishiga ajratilgan jami xarajatlarning 65,8 foizi sarflangan.

Maʼlum boʻlishicha, maktabgacha taʼlimga davlat byudjetidan 5,8 trln. soʻm mablagʻ ajratilgan boʻlib, hisobot davrida ushbu mablagʻlarning 5,4 trln. soʻmi xarajat qilingan. 

Shuningdek, Respublikada 6 668 ta maktabgacha taʼlim tashkilotlari faoliyatini yoʻlga qoʻyilishi natijasida bolalarning maktabgacha taʼlimga qamrovi 4 foizga oshirilgan.

• Davlat byudjeti
• Oliy Majlis
• Ta'lim