Turkiya prezidenti Rajab Toyyib Erdo‘g‘an Istanbulda yoshlar bilan bo‘lib o‘tgan uchrashuvda tamaki chekishga qarshi yangi tartib o‘rnatilishi haqida gapirgan. Bu haqda Andolu agentligi xabar berdi.

Turkiya rahbari: “Tamaki sanoati jamiyatimizning barcha qatlamlarini, ayniqsa, bolalarni nishonga olayotganini ko‘rmoqdamiz. Chekishning barcha zararlariga qaramay, tamaki sanoati har yili yetti yuz milliard dollar foyda olishda davom etmoqda” degan.

Turkiyada har yili 85 ming kishi chekish bilan bog‘liq kasalliklar tufayli hayotdan ko‘z yumadi. “Shuningdek, dunyoda har kuni 20 ming kishi chekish sabab kelgan kasalliklar tufayli vafot etadi”, - degan Erdo‘g‘an o‘z nutqida.

Yig‘ilishda Erdo‘g‘an 9 yoshli bolaning “Tamaki fabrikalarini yopsak bo‘ladimi?”, - degan savoliga “Balki!” deb javob bergan.

Shuningdek, Turkiyada “Britaniya modeli”ga muvofiq 2009-yildan keyin tug‘ilganlarga umrbod tamaki chekishni taqiqlovchi qonun ishlab chiqilishi mumkin.

• Tamaki
• Turkiya
• zavod