O‘zbekiston parlament delegatsiyasi 4 – 7-sentabr kunlari Belarusda tashrif bilan bo‘ladi. Bu haqda Belarus parlamenti yuqori palatasi matbuot xizmati xabar berdi.

Oliy Majlis Senati Raisi Tanzila Norboyeva boshchiligidagi delegatsiyaning tashrifi Belarus tomonining taklifiga binoan tashkil etildi.

Tashrif doirasida parlamentlararo kun tartibidagi masalalar muhokamasi bilan bir qatorda birinchi Belarus-O‘zbekiston ayollar biznes-forumi tashkil etiladi.

Forum doirasida 5-sentabr kuni “Belarus va O‘zbekiston o‘rtasida sanoat sohasida hamkorlikni kengaytirish”, “Yengil sanoat sohasida hamkorlikning istiqbolli yo‘nalishlari”, “Sheriklikni mustahkamlash”, Belarus va O‘zbekiston agrosanoat majmualari, “Tibbiyot va farmatsevtika – Belarus Respublikasi va O‘zbekiston Respublikasi hamkorligini rivojlantirishning istiqbolli yo‘nalishlari”, “Fan va ta’lim sohasida sheriklikni amalga oshirish”, “Madaniyat va turizm” - o'zaro aloqalar salohiyati" kabi oltita seksiya majlisi bo‘lib o‘tadi.

6-sentabr kuni birinchi Belarus-O‘zbekiston ayollar biznes forumining asosiy tadbiri – “Ayollar biznesda – Belarus va O‘zbekiston o‘rtasidagi ishbilarmonlik hamkorligini rivojlantirish salohiyati” mavzusidagi yalpi majlis bo‘lib o‘tadi.

• Belarus
• Tanzila Narbayeva