O‘zbekiston Respublikasi Korrupsiyaga qarshi kurashish agentligi tomonidan e’lon qilingan “Ochiqlik indeksi – 2024” natijalariga ko‘ra, davlat organlari va tashkilotlarida axborot ochiqligi darajasi baholandi.

Quyidagi tashkilotlar axborotlarni e’lon qilish, faoliyatda ochiqlikni ta’minlash va jamoatchilikka ochiq bo‘lish bo‘yicha yuqori ko‘rsatkichlarga erishgan:

1. “Olmaliq kon-metallurgiya kombinati” AJ – 91,8 ball;

2. Soliq qo‘mitasi – 90,1 ball;

3. “O‘zavtosanoat” AJ – 89,3 ball.

Eng past ko‘rsatkich qayd etilgan tashkilotlar orasida quyidagilar ham bor: Yer resurslari va davlat kadastri agentligi, “Hududgazta’minot” AJ, Gidrometeorologiya xizmati agentligi, Kinematografiya agentligi, Madaniyat vazirligi, Sog‘liqni saqlash vazirligi, Turizm qo‘mitasi, Tashqi ishlar vazirligi, Oila va xotin-qizlar qo‘mitasi, Andijon, Farg‘ona, Jizzax, Sirdaryo viloyati hokimliklari.

Bu tashkilotlar ochiqlik bo‘yicha sust ishlagan hisoblanib, ularning faoliyati jamoatchilik nazoratidan yiroq bo‘lganini ko‘rsatadi.