31°
Kechasi 18°
Niderlandiyaning Veyk an-Zeye shahrida shaxmat bo‘yicha Tata Steel Chess-2024 turnirida kecha 7-tur bahslari o‘tkazildi.
Turnirning Masters guruhida ishtirok etayotgan o‘zbekistonlik grossmeyster Nodirbek Abdusattorov 7-turda niderlandiyalik Anish Giriga qarshi oq donalarda o‘ynadi. Naq 6 soat davom etgan o‘yinda hamyurtimiz muhim g‘alabani qo‘lga kiritdi.
Abdusattorov kecha yuqori aniqlikda o‘ynadiki, u raqibning kichik noaniq yurishlaridan so‘ng ustunlikni qo‘lga oldi va taxminan 30-yurishlardan boshlab raqibni mag‘lubiyat burchagiga siqib bordi. 60-yurishga kelib Giri mag‘lubiyatni tan oldi.
Tata Steel Chess-2023’da Abdusattorov eng so‘nggi turda Anishni oldinga o‘tkazib yuborib, chempionlikdan mahrum bo‘lgandi. Nodirbek kechagi g‘alabadan so‘ng o‘z ochkolarini 4,5 taga yetkazib, peshqadamga aylandi. Hamyurtimiz 8-turda rossiyalik Yan Nepomnyashchiyga qarshi qora donalarda o‘ynaydi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
