“O‘zbekiston Bosh konsulxonasi ko‘magida Tataristonda og‘ir kasallikka chalingan yurtdoshimiz O‘zbekistonga qaytarildi”, – deb xabar qilmoqda “Dunyo” AA.

1968-yilda tug‘ilgan X.I. vaqtincha ishlash uchun Tataristonga borgan. Ish jarayonida sog‘lig‘ida kuzatilgan jiddiy muammolar tufayli u Tatariston shifoxonasiga yotqizilgan. Bemor O‘zbekistonga qaytarishlarini so‘rab, mamlakatning Qozon shahridagi Bosh konsulxonasiga murojaat qilgan.

Bosh konsulxona xodimlari X.I.ni O‘zbekistonga qaytarishga qaratilgan tibbiy tayyorlov jarayonlarni shifokorlar bilan hamkorlikda muvofiqlashtirib, zarur konsullik-huquqiy va amaliy yordamni qisqa vaqt ichida yakunladilar.

O‘zbekiston Bosh konsulxonasi, Uzbekistan airways milliy aviakompaniyasi vakolatxonasi va Migratsiya agentligi vakili bilan birgalikda X.I.ning “Qozon–Toshkent” yo‘nalishi bo‘yicha oilasi bag‘riga sog‘-salomat yetib olishi ta’minlangan.

• Tatariston
• Uzbekistan airways
• fuqaro