Bugun ertalab Tataristonning ikkita korxonasiga dron hujumi uyushtirilishi natijasida binolar zarar ko‘rgan. Mamlakat rahbarining aytishicha, hujum natijasida zarar ko‘rganlar bor. Halok bo‘lganlar haqida ma’lumot berilmagan.

“Bugun ertalab respublikaning “Alabuga” va “Nijnekamsk”dagi korxonalariga uchuvchisiz uchish apparatlari hujumi uyushtirildi. Jiddiy vayronagarchilik yo‘q, korxonalarning texnologik jarayoni buzilmadi. Afsuski, “Alabuga”da xonaning vayron bo‘lishi natijasida zarar ko‘rganlar bor. Ularga barcha kerakli yordam ko‘rsatiladi. Shuningdek, mamlakatning dronlar zavodiga hujum qilishga urinishlar ham bo‘ldi”, – degan Tatariston Rahbari Rustam Minnixanov.

Bu urush boshlanganidan buyon Tataristonga qilingan ilk dron hujumi hisoblanadi.

• Tatariston
• dron
• hujum