Ma’lumki, Toshkent axborot texnologiyalari universiteti (TATU)da kredit tizimi amaliyotga joriy qilingan. Ya’ni, talabalar fanlardan yiqilsa, pulini to‘lab imtohonni qayta topshirishga ruxsat olishi lozim bo‘ladi.

Kuni kecha ijtimoiy tarmoqlarda tizim xatosi va savollarning haddan tashqari murakkabligi tufayli ko‘plab TATU talabalari belgilangan imtihonlardan “yiqilgan”ligi haqidagi xabar tarqalgan va bu jamoatchilikning ham e’tiroziga sabab bo‘lgan edi.

Bugun mazkur holat yuzasidan  Oliy va o‘rta maxsus ta’lim vazirligi rasmiy bayonot bilan chiqdi.

Rasmiy munosabatda mazkur masalani o‘rganish bo‘yicha mas’ullardan iborat tezkor ishchi guruhi tuzilganligi va  bu ishchi guruh mazkur masalani obyektiv va batafsil o‘rganishi qayd etilgan.

Ishchi guruhning xulosasi jamoatchilik e’tiboriga e’lon qilinadi.

• Kredit
• TATU