O‘zbekistonning birinchi Prezidenti Islom Karimovning rafiqasi Tatyana Akbarovna Karimova nabiralari bilan Angliya poytaxti London shahrida yig‘ilishdi. So‘nggi vaqtlarda Ijtimoiy tarmoqlarda mashhur bo‘lib qolgan Maryam Tillayeva ushbu sayohatdan lavhalarni o‘zining Instagram sahifasiga joyladi.

Londonga sayohati davomida Tatyana Karimova Gulnora Karimovaning o‘g‘li kichik Islom Karimov va qizi Imon Karimova, Lola Karimovaning farzandi Maryam Tillayeva hamda Imonning bo‘lajak turmush o‘rtog‘i bilan ko‘rishib birgalikda shahar kezishgan.

Tatyana Karimovaning to‘satdan Angliyaga sayohat qilishining sababi nabirasi Imon Karimova Londondagi universitetini bitirishi bo‘ldi. Karimovlar oilasining a’zolari esa bunday muhim kunda Imonning yonida bo‘lishni xohlashgan.

Eslatib o‘tamiz, O‘zbekiston Respublikasi birinchi Prezidenti Islom Karimovning to‘ng‘ich qizi Gulnora Karimova 2013-yildan buyon bir qator moliyaviy jinoyatlarda ayblanib, Zangiotadagi ayollar qamoqxonasida saqlanmoqda. Birinchi Prezidentning ayoli Tatyana Karimova esa Toshkentda yashamoqda. U Islom Karimov xotirasini abadiylashtirish va Karimov nomidagi Respublika jamoat fondi faoliyatini yuritadi.

Avvalroq, Karimova qizini ko‘rish uchun qamoqxonaga kirishga ruxsat berishmagani haqida yozib, keyin ushbu postni o‘chirib tashlagan edi.

• Gulnora Karimova
• Islom Karimov
• Tatyana Karimova