AQSh Kongressi Vakillar palatasi spikeri Nensi Pelosi Tayvan ma’muriyati rahbari Tsay Inven bilan uchrashuv o‘tkazmoqda. Bu haqda “TTV” telekanali xabar bermoqda.

Qayd etilishicha, Pelosi va Tsay Inven o‘rtasidagi uchrashuv translyatsiyasini orol ma’muriyati rahbari idorasi olib boradi.

Suhbat oldidan Tayvan prezidenti Pelosiga Vashington va Taypey o‘rtasidagi munosabatlarni rivojlantirishga qo‘shgan ulkan xizmatlari uchun hukumatning “Maxsus Grand Shouqingyun” ordeni bilan taqdirladi.

Ta’kidlanishicha, “Maxsus Grand Shouqingyun” ordeni 1941-yil 12-fevralda fuqarolarni milliy taraqqiyot va fuqarolik jamiyatidagi xizmatlari uchun mukofotlash maqsadida taʼsis etilgan. Shuningdek, Orden, chet el fuqarolariga ham mamlakatga qilgan yuksak xizmatlari uchun beriladi.

Ma’lumot uchun, Pelosi Taypeyga 2-avgust kuni kechqurun yetib keldi. Xitoy Tashqi ishlar vazirligi Pelosining Tayvanga safari sababli AQSh qattiq javob choralariga duch kelishini aytdi. Xitoy rahbari tomonidan “olov bilan oʻynash, kuyib ketishga sabab bo‘ladi” deb ogohlantirilgan AQSh maʼmuriyati Pekinni “yagona Xitoy” siyosatiga sodiqligiga ishontirdi, ammo spiker oʻzi qaror qabul qilishini aytib, tashrif oqibatida yuzaga keladigan majburiyatlardan uzoqlashdi.

XXR Tayvanni o‘z provinsiyasi deb hisoblaydi va har doim Taypey vakillari va AQShning amaldorlari, ayniqsa yuqori lavozim egalari yoki Pekin bilan diplomatik aloqada bo‘lgan mamlakatlar harbiylari o‘rtasidagi har qanday aloqaga qarshi turadi.

Shuningdek, mamlakatning yaqin hamkori Rossiya Pelosining tashrifini AQShning Xitoyga nisbatan ochiq provokatsiyasi deb hisobladi.

• Orden
• Pelosi
• Tayvan