NYT nashriga ko‘ra, Rossiya prezidentining bu qadami Trampning “toqatsiz ma’muriyatiga” RF hali ham muzokaralar olib borishga tayyorligini ko‘rsatishi kerak.

“Putin vaqtinchalik sulh rejimi bilan ikki maqsadga erishishi mumkin: prezident Trampga Rossiya tinchlik sari qadam tashlayotganini ko‘rsatish va Zelenskiyni qiyin ahvolga solib qo‘yish. Ukraina unga rioya qilmasa, Tramp Ukrainani urushni to‘xtatish bo‘yicha qadamlarga qarshilik ko‘rsatishda ayblashi mumkin. Ukrainaning rejimga rioya qilishi yanayam xavfli — ko‘pchilik ukrainaliklar Rossiya mavjud tanaffusdan foydalanib, qo‘shinlarini qulay pozitsiyalarga ko‘chirib qo‘yishidan xavotir bildirishmoqda”, – deyiladi maqolada.

Ukraina rahbari Rossiya tomonidan taklif qilingan ushbu “Pasxa sulhi” taklifiga rozilik bildirdi. “Tinchlikka tinchlik bilan, hujumlarga esa faqat himoya bilan javob beramiz. Agar chinakam otashkesim hukm sursa, Ukraina uni 20-aprel Pasxa kechasidan keyin ham davom ettirishni taklif qiladi. Bu Rossiyaning asl niyatlarini namoyon etadi, chunki 30 soat sarlavhalar uchun yetarli bo‘lishi mumkin, ammo ishonchni mustahkamlash uchun emas. O‘ttiz kun esa tinchlikka erishishga imkon yaratishi mumkin”, — deya ta’kidlagan Zelenskiy.

• Bitim
• Rossiya
• Ukraina