Bugun, 20-aprel futbol bo‘yicha U17 yosh toifasidagi Osiyo kubogining so‘nggi hal qiluvchi final bahsida O‘zbekiston terma jamoasi mezbon Saudiya Arabistoniga qarshi maydonga tushadi.

Uchrashuvni qatarlik Muhammad Ahmad Al-Shammari boshqarib boradi. Unga qanotlarda Yusuf Aref Al-Shamari (Qatar) va Nuannid Dornjangrid (Tailand) yordam beradi. 4-rasmiy hakam sifatida Kim Yu-Jeong (Koreya R.), VARda esa Daniyel Jon Elder (Avstraliya) ishlaydi. Bahsda O‘zbekiston termasi to‘liq oq libosda, darvozabon esa qora libosda harakat qiladi.

Ma’lumot uchun, ushbu ikki terma jamoa Osiyo kubogining “A” guruhidan finalgacha yetib keldi. Guruh bosqichida O‘zbekiston terma jamoasi saudiyalik tengqurlarini 3:0 hisobida taslim qilgandi. Ushbu natija bugungi muhim o‘yin oldidan Islombek Ismoilov shogirdlariga katta ishonch berishi mumkin.

Bosh sovrin uchun o‘tadigan mazkur uchrashuv soat 20:00 da Toif shahridagi “Qirol Fahd” stadionida start oladi.

• Final
• Futbol
• Osiyo Chempionati
• O‘zbekiston
• Saudiya Arabistoni