Tergov qo‘mitasi Aleksey Navalniyning o‘limi yuzasidan jinoiy ish qo‘zg‘atishdan bosh tortdi. Bu haqda uning bevasi Yuliya Navalnaya ma’lum qildi.

Qayd etilishicha, Navalniyning o‘limiga “qo‘shma kasallik” sabab bo‘lgan va u aritmiyadan vafot etgan.

Tergov qo‘mitasining ta’kidlashicha, siyosatchi betob bo‘lgach, uni tibbiyot bo‘limiga olib borib, ko‘krak qafasiga kompresslar va sun’iy nafas oldirishga harakat qilgan, biroq bu yordam bermagan.

Navalnaya esa bu ma’lumotni rad etadi. Uning so‘zlariga ko‘ra, Navalniy o‘zini yomon his qilganida, uni yana jazo kamerasiga olib ketishgan, tibbiy bo‘limda esa u allaqachon hushini yo‘qotgan.

So‘nggi daqiqalarda u qorin og‘rig‘idan shikoyat qilgan, ammo bu ham rezolyutsiyada ko‘rsatilmagan, deydi Navalnaya.

• Aleksey Navalniy