Surxondaryo viloyati IIB ning xabar berishicha, joriy yilning 26-noyabr kuni soat 19:00 larda tezkor-profilaktik tadbir davomida Surxondaryo viloyati DXX chegara qo‘shinlari harbiy qismi naryadi va tezkor xodimlar tomonidan Fransiya fuqarosi T.M. qo‘lga olingan. 

Fransiya fuqarosi Afg‘onistonga chiqib ketish maqsadida Termiz tumani hududidagi temir yo‘l orqali piyoda davlat chegarasidan o‘tishga uringanida shubha tug‘dirgan. U chegara qo‘shinlari naryadi tomonidan to‘xtatilib, Surxondaryo viloyati bojxona boshqarmasi Kontrabandaga qarshi kurashish va bojxona auditi bo‘limi xodimlariga holat yuzasidan bojxona nazoratini amalga oshirish uchun xabar berilgan. 

Voqea joyiga soat 20:30 larda yetib kelgan Kontrabandaga qarshi kurashish va bojxona auditi bo‘limi hamda Surxondaryo viloyati IIB Jinoyat qidiruv boshqarmasi xodimlari  fuqaroni xolislar ishtirokida bojxona nazoratidan o‘tkazadilar va unga tegishli kulrang ryukzak ichidan 26 dona “Topalgic” 50 mg tramadol tabletkalari borligi aniqlanib, daliliy ashyo sifatida holislar ishtirokida olib qo‘yilgan.

Surxondaryo viloyat IIB Axborot xizmatining qayd etishichcha, holat yuzasidan tergovga qadar surishtiruv ishlari viloyat Bojxona boshqarmasi xodimlari tomonidan olib borilmoqda.

• Chegara
• O‘zbekiston
• Termiz