Amerika elektromobili bo‘lmish Tesla'ni Rossiya sovug‘iga moslashtirish zarur, chunki kuchli ayoz natijasida avtomobilning yurish quvvati tushib ketmoqda. Bu haqda Rossiya sanoat va savdo vaziri Denis Manturov ma’lum qildi.

"Boshimdan o‘tkazgan o‘z tajribamni aytishim mumkin: avtomobil bir yarim soat sovuqda turgandi, minus 30 gradus sovuq edi. Zo‘rg‘a uyga yetib oldim, chunki 450 kmga yetadi deyilgan quvvat 100 kmdan kamni ko‘rsatdi, fakt bo‘yicha undan ham kam bo‘lishi kerak" – dedi Manturov.

Uning so‘zlariga ko‘ra, quvvat to‘plagichlar Rossiya iqlimi uchun to‘liq moslashtirilmagan. Agar 20-30 yildan so‘ng transport sohasi ekoavtomobil va aviasiya transportlari bilan to‘ldirilishi uchun elektr dvigatellari hamda batareyalarini rivojlantirish kerak.

• Elektromobil
• Rossiya
• Tesla
• texnologiya