OTMlarning bakalavriat bosqichi uchun test natijasidan norozi abituriyentlar 18-dan 27-avgustgacha apellyatsiyaga ariza berishlari mumkin. Bu haqda Bilimni va malakalarni baholash agentligi ma’lum qildi.

Unga ko‘ra, abituriyentlar Bilimlarni baholash agentligining my.uzbmb.uz saytida (shaxsiy kabineti orqali) onlayn ariza berishlari mumkin.

Abituriyent apellyatsiya shikoyati berishi uchun test sinovida ishtirok etgan va test sinovidan chetlatilmagan bo‘lishi lozim. Apellyatsiya arizasini bergan abituriyentga uni ko‘rib chiqish sanasi va vaqti ko‘rsatilgan xabarnoma beriladi.

Shuningdek, abituriyent xabarnomada belgilangan vaqtda shaxsini tasdiqlovchi hujjat va xabarnoma bilan Bilimni baholash agentligiga kelishi kerak.

Apellyatsiya shikoyatlarini ko‘rib chiqish esa 2024-yil-22 avgustdan boshlanadi.

• Bilim va malakani baholash agentligi
• abituriyent