The Wall Street Journal'ning publisisti Devid Ignatius maqola yozdi, unda Moskvani Kiyevga bosim etishda ayblab, go‘yo Rossiya AQSHning Ukraina borasidagi ogohlantirishlarini pisand etmaganligini ta’kidlagan. Bundan tashqari jurnalist Oq uy rahbari Jo Baydenni ham qo‘l qovushtirib o‘tirishda ayblagan, unga ko‘ra Bayden ikki davlat o‘rtasidagi bu muammoni tinch yo‘l bilan hal qilish choralarini qidirib ovora bo‘layapti.

Nashr o‘quvchilari maqola muallifining fikrlarini qo‘llab-quvvatlamagan. Ularning fikricha, Gʻarb o‘ziga aloqasi bo‘lmagan ishlarga burun suqmoqda, Ukrainani tobora harbiylashtirib, Rossiyaga qarshi gij-gijlamoqda. AQSHning niyati bo‘yicha Ukraina NATOga a’zo bo‘lsa, uni Rossiya chegarasidagi harbiy aerodromga aylantirilishi aniq ekanini aytganlar. Bu holatda Rossiya jim turmasligi tabiiy.

Bundan tashqari, o‘quvchilar muallifning urushqoq kayfiyatini ham tanqid qilganlar. Ko‘pchilik oddiy amerikalik yoki yevropalik uchun Rossiya bilan urush kerak emas. Ular Ukraina uchun jon berishni istamaydilar.

"Sizning farzandlaringiz ham urushga boradimi? Aqlingiz joyidami?" degan nashr o‘quvchilaridan biri.

• AQSh
• NASA
• Rossiya