Maʼmuriy javobgarlik to‘g‘risidagi kodeksga Tibbiyot xodimining ishiga noqonuniy aralashganlik uchun jazo choralarini qo‘llashga oid norma kiritilmoqda.

Tegishli qonun loyihasiga ko‘ra, Kodeks 197-7-modda bilan to‘ldiriladi.

Yaʼni kelgusida tibbiyot xodimining faoliyatiga qonunga xilof ravishda aralashish, yaʼni tibbiyot xodimining tibbiy yordam yoki tibbiy xizmat ko‘rsatishiga to‘sqinlik qilish, xuddi shuningdek tibbiyot xodimining tibbiy yordam yoki tibbiy xizmat ko‘rsatishiga to‘sqinlik qilish maqsadida noqonuniy topshiriqlar berish fuqarolarga BHMning 5 baravaridan 7 baravarigacha, mansabdor shaxslarga esa – 7 baravaridan 10 baravarigacha miqdorda jarima solishga yoki 15 sutkagacha muddatga maʼmuriy qamoqqa olishga sabab bo‘ladi.

Shuningdek, mazkur turdagi huquqbuzarlik sodir etilgan taqdirda tibbiyot xodimi maʼmuriy huquqbuzarlik to‘g‘risida bayonnoma tuzmasdan o‘z arizasida huquqbuzarning shaxsi, maʼmuriy huquqbuzarlik sodir etilgan joy, vaqt va uning mohiyati to‘g‘risidagi maʼlumotlarni, shuningdek, ishni hal etish uchun zarur bo‘lgan boshqa maʼlumotlarni ko‘rsatgan holda sudga murojaat qilish huquqiga (283-modda 7-qismiga kiritilayotgan o‘zgartirish) ega.

• Loyiha
• MJtK
• Tibbiyot